ඇඹිලිපිටිය නගරසභාව

ඇඹිලිපිටිය නගර සභා බල ප්‍රදේශය තුළින් සෘජුව ලබා ගන්නා වූ ආදායම, පළාත් සභාවෙන් ලැබෙන මූල්‍යමය ප්‍රතිපාදන, රජයෙන් පිරිනැමෙන මුදල් දීමනා සහ රාජ්‍ය නොවන සංවිධාන මගින් දෙන මූල්‍යමය ආධාර ආදියෙන් නගර සභාවේ වාර්ෂික ආදායම නිමැවේ. මෙසේ ලැබෙන වාර්ෂික ආදායම නගර සභාවේ පොදු පරිපාලන සහ කාර්ය මණ්ඩල සේවා, සෞඛ්‍ය සේවා, මංමාවත් හා ගොඩනැගිලි සැලසුම් කිරීම, මහජන උපයෝගීතා සේවා, පුරවැසියන්ගේ සුභ සාධන සේවා සඳහා වැය කිරීමට සිදුවේ. එසේ කිරීමේදී නගර සභා බල ප්‍රදේශයේ ජීවත්වන සමස්ථ ජනතාවගේ ආර්ථික, සාමාජීය හා සංස්කෘතික අභිවෘද්ධිය ඇති කිරීම පිණිස එය වඩාත් කාර්යක්ෂමවත්, ඵලදායී ලෙසත්, ප්‍රශස්ථ ආකාරයෙනුත් ඉටු කිරීම නගර සභාවේ අය-වැය ප්‍රතිපත්තිය වේ.